‑Too" "i po wlu ‑ɛɛ mua 'e Kea o ɛ
141
Dafi 'a 'dʋ.
Tʋ "bo, 'ma weeɛ', ɛ ‑too" 'mii",
ɛ po 'ma wlu doun" o, ‑bo 'ma seɛ 'daa.
2 'Ma baewlu nyni 'de ɛ "juɛi,
ka ‑daiklɔ' 'ɔ 'nʋ ‑nmɔɔ a 'e nyʋ 'mlai nɩa,
'ma kwa 'ɩn 'baia,
ɛ nɩ ka 'sraadɛ nyɔ toa ‑kwie" ka nɩa.
3 Tʋ "bo, ɛ fuo 'ma wɔn i,
ɛ ‑cri" 'ʋn kwa "wɛin.
4 Ɛ 'bo 'wɔn ɛ,
'ma tɔ' bo 'e dɩ ‑nynia "jrii "kpei 'kpaa,
'ɩn ke dɛsaʋnʋʋ 'bo dɩ ‑ɩa kpʋʋn a nyʋ 'pee 'a sʋn o beeɛ,
'de 'ɩn 'bo ʋʋa' ‑kwɔ' ‑sɔn muɛ.
5 ‑Bo nyɔ ‑srɛai" ‑tu" 'ʋn 'srɩn ɛ, ɛ nɩɛ 'ma 'dɔe ‑o;
‑bo ɔ ‑tu" 'ʋn 'snɩ ɛ,
ɛ nɩɛ 'cna ‑o 'de 'ʋn "jru: 'Ɩn se "jru ‑jei" ‑saa i;
kaa ‑bo ʋʋ nyni 'diwɔn mɔ 'deɛ,
'ma baewlu 'a muɛ 'de ɛ o nyni 'a ke 'wlɛ.
6 ‑Sɔntɩ ʋʋa' 'peejeʋn 'a "jru a muɛ "soi wɔn blaa' a,
ɛmɛ 'diwɔnyniʋn a muɛ juua',
ka dɩ 'ma 'tmʋa ɩ nɩa tɔ' ‑tɩ ɛ.
7 Ka nyʋ a poa ko‑ ‑wɛe ɔɔ "bia 'blʋa "jrii ɛ,
'kamɔ ʋʋa' 'kpɩ a mu ja ‑gbaa' 'de 'mɛʋ o ‑kwlɔ.
8 'Oo Tʋ "bo, 'ma Tʋ "bo,
'ma ‑gbʋɛn 'de ‑ɩn o,
‑wɛe 'ma ‑pɔn 'ma 'pʋʋa' i 'de ‑ʋn 'kwa.
‑Ɩn ‑bo 'ʋn "itaiɛ 'ɩn 'bo 'mɩɛn.
9 Ɛ nʋɛ 'ɩn 'je pɩɩ ʋʋ ‑gba' 'ʋn ‑pee "i ‑gbla",
ɛ ke dɛsaʋnʋʋ 'a "klɛ ke.
10 'Diwɔnyniʋn 'kpa ʋʋa' ‑cɛ" 'ɛ nya" sai 'di,
‑wɛe 'mɔ 'jeɛ "wɛin i wan.